Nuus wat saakmaak

[22 Maart 2007] Sunieda stel met trots bekend, haar selfgetitelde debuut CD...

給你的歌 – En ‘n CD met 'n Siel

Die ‘Rooi Draak' sing – Afrikaanse liedjies in Mandaryns!!! Al gehoor hoe klink Jannie du Toit en Koos du Plessis in Mandaryns? Dis maar twee van die verrassings wat op jou wag tussen die kraakvars liedjies op hierdie besonderse CD met ‘n kosmopolitaanse inslag. Bang jy verstaan nie die Mandaryns nie? Toemaar, dis baie mooi - en die res is so Afrikaans soos ons sonskyn en doringbome. Die CD is gebore, verwerk en opgeneem in Suid-Afrika, 'ver-Sjinees' in Taiwan, bemeester in Swede en word hier in Suid-Afrika vrygestel. Die liedjies op die CD is oorspronklik, met ‘n vertaling van Sprokie vir ‘n Stadskind en Liedjie vir jou in Mandaryns en ‘n ou, baie gewilde Sjinese liefdeslied 月亮代表我的心 (... 'As jy wonder of ek jou lief het'..).

Van ons land se voorste musikante het gesorg vir die musiek: Mauritz Lotz, Denis Lalouette, Neil Etteridge, Bruce Wallis en die gevoelvolle vertolking van Susan Mouton (tjello) en Merle Thompson (harp). Matthys Maree het al die note op die regte plek laat gebeur. In Swede was dit ‘n regte Viking, Robert Wellerfors, met die skerp gehoor van ‘n olifant, wat alles moes laat goed klink: Hy het die produksie laat leef en vir elke liedjie sy eie oomblik in die kollig gegee.

Maak 'n draai op die luister bladsy om na die snitte op die CD te luister (en onthou... CD kwaliteit is altyd beter as gekodeerde musiek soos mp3's en m4a's...)